الممثلة اللبنانية آن ماري سلامة تتألق بفستان من تصميم بسام نعمة

تألقت الممثلة اللبنانية آن ماري سلامة بفستان من تصميم اللبناني بسام نعمة، وخطفت الأنظار بجمالها الأخاذ.وإرتدت آن فستان طويل باللون الأسود، بشق على إحدى ساقيها وقطعة قماش شفافة من اللون الأسود أيضاً.ووجهت آن ماري هذه الرسالة إلى الجمهور وإلى بسام نعمة وقالت: "كلّ يوم بيمرق بحياتنا بيفرق عن التاني وبيخلينا ننضج اكتر واكتر، كيف اذا كانو ٣٦٥ يوم؟السنة يلي مضت حملت معها تجارب متنوعة ومختلفة، ناس زعّلتنا لمّا فلّت لانو تركت وراها اثر حلو متل النسمة و ناس منشكر ربنا انّو فلّت لانو ما تركت وراها اي شي حلو متل النكسة. من اجمل القصص يلي مرقت فيها سنة ال ٢٠٢٢، كانت التجربة الحلوة يلي عشتها بسفرتي على مصر ام الدنيا ومشاركتي بمهرجان الاسكندرية السينمائي لدول البحر المتوسط دورة النجم الكبير "محمد حميدة". تعرفت على شخصيات عالمية وعربية معروفة ومرموقة بعالم الفن والسينما.

وحصلت من خلالها على عروضات متنوعة بمجال عملي كما اكتسبت اصحاب جدد لمدى الحياة. كما وانو اطلالتي بافتتاح وبختام المهرجان اخدت رهجة كبيرة ع السجادة الحمرا وكل اهل الصحافة والاعلام سألوني عن اسم المصمم يلي اهتمّ باطلالتي.وقلتلن انو المبدع "بسام نعمة" مش بس موهوب بتصاميمو انما بيتمتع كمان بذوق رفيع من الاحترام والاخلاق والتعامل مع الاخر.من شان هيك حبيت انو كرّر التجربة وشارك بفرحة خيّي "جوني" نهار عرسه ودخوله القفص الذهبي، وكللها انا كمان من تصاميم "بسام" واترك بصمته تنطبع بالذكرة وللذكرى على مدى التاريخ. بشكرو من كل قلبي وبشكر موقع الفن يلي بيحب دايماً يطّلع على مستجداتي. كل الحب!"

قد يهمك ايضاً

إطلالة أنيقة لنانسي عجرم في قطر وكم بلغ سعر فستانها

مي عمر تتألق في فساتين صيفية أنيقة